Mediat britanike vijojnë të japin detaje të tjera në lidhje me jetën e Flamur Beqirit, 36-vjeçarit shqiptar që u ekzekutua pak ditë më parë përpara shtëpisë së tij.
36-vjeçar i njohur ndryshe me emrin Alex u ekzekutua në sy të gruas dhe fëmijës së tij, përpara shtëpisë së tij luksoze që kap vlerën e 1.5 milion paundëve. Ai punonte si producent i disa artistëve të njohur në Angli.
Nga fotot e publikuara në rrjetet sociale duket se çifti bënte një jetë të shtrenjtë. Ndërkohë bashkëshortja e tij, Debora Beqiri shoqërohej me emra të njohur të fushës së artit dhe të modës në Britani.
Debora shihet të ketë një marrëdhënie mjaft të mirë me këngëtaren shqiptare, Rita Ora, pasi duket të ketë mjaft foto me të dhe motrën e saj Elena.
Në llogarinë e saj në Instagram nuk mungojnë as fotot me Victoria Beckham.
Mediat britanike nuk kanë dhënë ende një version zyrtar në lidhje me vrasjen e shqiptarit, ndërsa deri më tani nuk ka asnjë të arrestuar në lidhje me këtë çështje.
