Qeveria e Kosovës në mbledhjen e sotme vendosi për shumën që do shpërndahet për realizimin e zgjedhjeve të parakohshme të 11 qershorit.
Në mbledhjen e Qeverisë u vendos se shuma do të jetë 4.9 milion euro, kabineti në largim vendosi gjithashtu që 90 mijë euro do të kushtojë proçesi ankimor për zgjedhjet e parakohshme në Kosovë.
Kryeministri në detyrë, Isa Mustafa tha, “Me këtë shumë u siguruan mjetet financiare që KQZ-ja të mos ketë pengesa në organizimin e proçesit”.
Ndërkohë,Komisioni Qëndror i Zgjedhjeve ka përcaktuar limitin e shpenzimeve të fushatës për subjektet politike për zgjedhjet e parakohshme, në shumën prej 942.573 euro.
Në mbledhjen e mbajtur sot në KQZ u miratua edhe regjistrimi e partisë “Kosovski SRBA-PKS”, e themeluar dhe me kryetar Aleksandar Jablanovic.
