Çdo 28 tetor, Greqia kremton festën e saj më të rëndësishme kombëtare: Jo-në ndaj ultimatumit të Benito Musolinit për të kapitulluar, dhe luftën kundër pushtimit italian.
Ai nisi më 28 tetor 1940 nga territori i Shqipërisë, vend që ishte pushtuar në prillin e 1939-ës. Po atë vit, Greqia miratoi ligjin nr. 2636 që njihet ndryshe si “Ligji i Forcës”.
Me pretendimin se Shqipëria e kishte ndihmuar ushtrinë italiane, ligji i hartuar nga ministri grek i drejtësisë, Akis Tabakopulos, u dekretua më 10 nëntor të vitit 1940 nga Mbreti i Greqisë, Jorgo II.
Në fakt, ai ligj i shërbeu Athinës për konfiskimin e pasurisë dhe dëbimin e shqiptarëve të Çamërisë. Neni 10, i jepte të drejtë personave të tretë të përdornin pasuritë e paluajtshme të shtetasve të shpallur si armiq.
Nga fundi i luftës, qindra mijëra çamë u vranë ose u dëbuan nga trojet e tyre etnikë.
Pavarësisht këmbënguljes së Tiranës zyrtare, Athina ka refuzuar deri tani ta shfuqizojë këtë ligj. Një situatë kjo absurde, kur dy vendet janë anëtare të NATO-s, dhe e cilësojnë njëri-tjetrin si partnerë strategjikë.
TIRANA TODAY
