Një delegacionin i Guardia di Finanza-s zbarkoi në Tiranë dhe zhvilloi një takim me Drejtorin e Përgjithshëm i Policisë së Shtetit, Haki Çako.
Në fokus të takimit ishte koordimi për misionin e fluturimeve që do të monitorojnë territorin shqiptar, në kuadër të zbatimit të protokollit për identifikimin e kultivimit të kanabisit në Shqipëri.
Lufta kundër kultivimit dhe trafikimit të kanabisit është caktuar si një nga strategjitë kombëtare nga shteti shqiptar. Dhe e veçanta e kësaj strategjie është përfshirja e të gjithë institucioneve të shtetit shqiptar në luftë kundër kultivimit.
Përfshirja në një sërë objektivash, konsiston në identifikimin e faktorëve dhe identifikimin e zonave të luftës kundër kultivimit, por edhe të goditjes kombëtare të grupeve kriminale të organizatave që merren me trafikimin.
Komandanti i Repartit të 3 të Guardia di Finanza-s në Komandën e Përgjithshme të Guardia di Finanza-s, Kolonel Joselito Minuto bëri një përshkrim të detajuar të punës së bërë dhe të ndryshimeve në rritje për këtë vit të orëve të fluturimit, përpunimit dhe dërgimit të të dhënave.
“Duke u bazuar në përvojën, ne jemi gati menjëherë të jemi operativë. Kemi llogaritur që këtë vit të kryhen 30% më shumë fluturime se vitin e kaluar. Falë teknologjisë së avancuar kemi reduktuar kohën në maksimum përsa i përket përpunimit të të dhënave”, nënvizoi Minuto.
Palët dakordësuan hartimin e një plan veprimi të përbashkët. Kryefjala mbetet transparenca në çdo veprim që do të kryhet.
Të gjitha institucionet do të kenë mundësinë e konsultimit të të dhënave në lidhje me ndërhyrjet policore.
