Gratë kanë qenë pjesë e ushtrive gjatë shumë shekujve, në shumë kultura dhe kombe. Ato kanë luajtur shumë role në ushtri, që nga gratë e lashta luftëtare, Amazonat, deri tek gratë që angazhohen rregullisht edhe në konflikte. Po cilat janë ushtritë, që kanë në përbërje të tyre femrat më të bukura. Ndiqni klasifikimin më poshtë:
- Ushtria amerikane
Gratë amerikane, kanë qenë pjesë e luftërave që nga Lufta Revolucionare për Pavarësi. Por dikur ato duhet të maskoheshin, për të shërbyer përkrah burrave. Sot ato kanë role ndihmëse. Që nga viti 2012, gratë përbëjnë 14 për qind të ushtrisë amerikane. Më shumë se 165.000 gra janë pjesë aktive në forcat e armatosura, me mbi 35.000 të tjera që shërbejnë si oficere.
- Ushtria çeke
Gratë çeke luftuan gjatë Luftës së Dytë Botërore si personel mjekësor, operatore telefonike, dhe si ndihmëse në përdorimin e armëve kundër-ajrore. Ato shërbyen në njësinë çekosllovake në Bashkimin Sovjetik, në Forcat Ajrore Britanike, dhe në ushtrinë britanike në Lindjen e Mesme. Sot ato janë pjesë integrale e Forcave të Armatosura Çeke, dhe disa nga pozicionet e tyre janë jetike, sidomos në Forcat Ajrore.
- Ushtria polake
Ushtria polake, ka aktualisht ka rreth 2.500 gra në radhët e saj. Të gjitha gratë, kanë të njëjtat të drejta si burrat për të shërbyer në ushtri, marinë, forcat ajrore, dhe ato speciale.
- Ushtria britanike
Gratë britanike, janë integruar në Forcat e Armatosura që nga fillimi i viteve 1990. Gjithsesi ato mbeten të përjashtuara nga njësitë luftarake në ushtri, të Marinsave Mbretërore, dhe Regjimentit të Forcave Ajrore Mbretërore.
- Ushtria pakistaneze
Pakistani është i vetmi vend në botën islamike, ku gratë kanë funksione ushtarake. Ato janë pjesë e ushtrisë së Pakistanit që nga viti 1947 pas pavarësisë nga India. Në vitin 2006, grupi i parë i piloteve gra iu bashkua forcës ajrore, dhe gratë në ushtrinë pakistaneze janë trajnuar në misione luftarake, veçanërisht në përdorimin e snajperëve, luftës ajrore dhe këmbësori. Kufizimi i vetëm për to është pjesëmarrja në operacionet luftarake të marinës.
- Ushtria izraelite
Izraeli është i vetmi komb që rekruton gratë në ushtri, dhe u cakton atyre role të drejtpërdrejta në luftë me armikun. Kur mbushin 18-vjeç, të gjithë izraelitët janë të detyruar të kryejnë shërbimin ushtarak. Sipas të dhënave aktuale, rreth 31 përqind e ushtrisë izraelite përbëhet nga gratë.
- Ushtria greke
Greqia e ka aktualisht të detyrueshëm shërbimin ushtarak për meshkujt. Të gjithë burrat mbi 18 vjeç, shërbejnë për 9 muaj në ushtri. Ndërkohë gratë mund të shërbejnë vullnetarisht në ushtrinë greke.
- Ushtria australiane
Gratë kanë shërbyer në ushtrinë australiane që nga viti 1899. Deri para Luftës së Dytë Botërore, roli i tyre u kufizua vetëm në shërbimin e infermierisë. Ky rol u zgjerua në vitet 1941-1942, kur marina, forcat ajrore dhe ato tokësore, themeluan njësi të posaçme me gra, në të cilat ato morën disa role mbështetëse. Sot ato mund të shërbejnë në shumicën e pozicioneve në ushtrinë australiane, përfshirë ato luftarake.
- Ushtria ruse
Ekziston një mendim i përhapur, që Rusia ka vajzat më të bukura në botë:elegante, dhe shumë simpatike. Gratë ruse, kanë luajtur ndërkohë edhe një rol të rëndësishëm në historinë ushtarake të vendit të tyre. Ato kanë kryer detyra të ndryshme në ushtri, sidomos gjatë Luftës së Dytë Botërore.
- Ushtria rumune
Vendi ballkanik është i pari për nga numri i femrave simpatike, që militojnë në radhët e ushtrisë rumune. Ndërkohë ushtria rumune, pjesë e aleancës së NATO-s, ka një nga ushtritë më të forta në rajon dhe më gjerë./ TIRANA TODAY
