E shtunë, 23 Janar, 2021
12 C
Tirana

Ja cilat do të jenë ngjarjet kryesore shkencore gjatë vitit 2021

Ndryshimet klimatike rikthehen në vëmendjen kryesore të liderëve botërorë

Presidenti i zgjedhur amerikan Xho Bajden e ka bërë të qartë se do të rivendosë udhëheqjen e Amerikës në këtë fushë, përfshirë ribashkimin e vendit me Marrëveshjen e Klimës së Parisit për të luftuar ngrohjen globale. Një moment kyç për këtë problem, do të jetë në konferencën e Kombeve të Bashkuara për klimën në Glasgou të Skocisë nëntorin e vitit të ardhshëm. Vendet do të bëjnë një raund të ri premtimesh për uljen e emetimeve të gazrave serë. Bashkimi Evropian dhe Kina kanë plane ambicioze për të mos emetuar më karbon në atmosferë deri në vitet 2050-60. Shkencëtarët presin nëse Bajden do të vendosë qëllime të ngjashme për Shtetet e Bashkuara.

Detektivët e Covid-19

Një task-forcë e ngritur nga Organizata Botërore e Shëndetësisë do të zbarkojë në Kinë në janarin e vitit të ardhshëm, për të tentuar gjetjen e origjinës së pandemisë. Grupi, që ka në përbërje epidemiologë, virologë dhe studiues të shëndetit publik dhe të kafshëve, do të nisin kërkimet në Vuhan. Zbulimi i origjinës së virusit mund të zgjasë me vite, por ekspertët mendojnë se disa informacione të reja do të dalin në dritë deri në fund të vitit 2021.

Vaksinat dhe pandemia

Në fund të këtij viti u zhvilluan vaksinat e para të autorizuara kundër Covid-19. Efektshmëria e disa prej tyre do të bëhet më e qartë në fillim të vitit 2021. Me interes të veçantë do të jenë rezultatet e testeve nga kompanitë farmaceutike amerikane Novavax dhe Johnson & Johnson.

Vaksinat e tyre ka të ngjarë të shpërndahen më lehtë sesa vaksinat me bazë ARN të zhvilluara nga Pfizer- BioNTech dhe Moderna, që duhet të ruhen në temperatura shumë të ulëta.Nonavax mund të prodhojë deri në dy miliardë doza vaksinash në vit.

Pritet miratimi ose refuzimi i ilaçit që ngadalëson sëmundjen e Alzheimerit

Autoritetet rregullatore amerikane, do të vendosin nëse ilaçi i parë që raportohet se ngadalëson progresin e sëmundjes së Alzheimerit mund të përdoret si një trajtim. Ilaçi aducanumab, i prodhuar nga kompania farmaceutike “Biogen”, është një antitrup që lidhet me një proteinë ngjitëse të trurit të quajtur amiloid, për të cilën shumica e shkencëtarëve mendojnë se mund të jetë shkaktari kryesor i sëmundjes.

Provat që ilaçi funksionon janë të përziera. Dy teste klinike të Fazës nr.3 kanë ofruar rezultate kontradiktore, ndërsa një panel këshillimor i pavarur i thirrur nga Administrata Amerikane e Ushqimit dhe Barnave për të vlerësuar efektivitetin e ilaçit, thotë se të dhënat nuk mbështesin përdorimin e tij.

Planeti Mars do popullohet nga disa sonda hapësinore

Agjenda ambicioze e Kinës për shkencën e hapësirës vazhdon edhe gjatë vitit 2021. Një sondë kineze orute do të ulet në planetin Mars shkurtin e vitit të ardhshëm. Misioni i sondës “Tianwen-1”është të kërkojë për ujë dhe shenja jete, duke përdorur 13 instrumente, përfshirë kamerat, radarët dhe analizuesit e grimcave.

Nëse është i suksesshëm, ai do të jetë eksplorimi i parë i Kinës në planetin e kuq. Ndërkohë sondat e lëshuara nga Emiratet e Bashkuara Arabe dhe Shtetet e Bashkuara, duhet të mbërrijnë rreth të njëjtës kohë në planetin e kuq.

Nisja e shumëpritur e teleskopit

Në tetor do të ndodhë lëshimi i shumëpritur të Teleskopit Hapësinor Xhejms Ueb. NASA e quan atë teleskopin hapësinor më të madh, më të fuqishëm dhe kompleks të ndërtuar ndonjëherë. Ueb që ka kushtuar 8.8 miliardë dollarë, do të tentojë të përsërisë suksesin e Teleskopit Habëll, që e revolucionarizoi astronominë kur u lëshua në vitin 1990, dhe që prej asaj kohe ka kryer më shumë se 1.3 milion vëzhgime. Ueb do të mbulojë më shumë gjatësi vale sesa Habëll, duke u mundësuar shkencëtarëve të shohin shumë më thellë në Univers.

 Efekti i valëzimit

Astronomët e radios, mund të jenë në prag të demonstrimit të një mënyre të re për të zbuluar valët gravitacionale, duke shfrytëzuar si fanarë yjet neutronë pulsarë. Duke saktësuar kohën e sinjaleve që vijnë nga këto yje, ekipet e studiuesve në Evropë, Amerikën e Veriut dhe Australi, synojnë të zbulojnë valëzime me gjatësi vale të prodhuara nga çiftet e vrimave të zeza super të mëdha,ndërsa ato rrotullohen rreth njëra-tjetrës në qendrat e galaktikave të largëta.

Burimi i lajmit: https://www.nature.com/articles/d41586-020-03651-0

Përshtatur nga TIRANA TODAY

- Reklama -

Më shumë nga kategoria




Të fundit

E trishtë/ Ndërron jetë në moshën 35-vjeçare ish-sulmuesi

Ish-sulmuesi xhamajkan, Luton Shelton ka ndërruar jetë në moshën 35-vjeçare, për shkak të një sëmundje. Shelton ishte diagnostikuar në vitin 2018 me sëmundjen “ALS”, e...

Berlini përgatitet për konsultime me administratën Biden

Lehtësimi i jashtëzakonshëm u shpreh në Gjermani që kur Joe Bideni i fitoi zgjedhjet presidenciale. Kurse të mërkurën (20.01.), kancelarja Angela Merkel i shkroi...

Samsung u ngrit si një dyqan që shiste perime, dhe kuriozitete që nuk i dinit

Sistemi ligjor i Japonisë ka një normë dënimi prej 99 për qind. Peshkimi mbetet profesioni i dytë më i rrezikshëm i Shteteve të Bashkuara, pas...

Analisti: Basha do ketë Tiranën, ja kush do jetë drejtuesi i PD në Gjirokastër

Partia Demokratike ka emëruar drejtuesit politik në pjesën më të madhe të qarqeve, ndërkohë që janë ende për t’u zbuluar se cilët do të...

A do jetë sërish kandidat për deputet? Ja si përgjigjet Ervin Salianji

Ervin Salianji është shprehur se ekziston mundësia që ai të jetë kandidat për deputet në listën e Partisë Demokratike. I ftuar në “Zonë e lirë”,...