Kryeministri Edi Rama ka mbajtur ditën e sotme një takim me elektoratin e tij në Vorë, në kuadër të fushatës zgjedhore, ndërsa nuk ka lënë pa ironizuar kryetaren e LSI-së, Monika Kryemadhin.
Gjatë fjalës së tij, Rama theksoi se opozita jo parlamentare nuk ka lidhje me popullin, por do të dalë mbi popullin dhe mbi ligjin.
“Kryemadhi ka lidhje të drejtpërdrejtë me Zotin. Ajo flet me Zotin, as me popullin, me askënd. Fiqo e di se çfarë ka heq me Lulin për të luftuar kundër vjedhjes së votës, kundër korrupsionit, kundër të këqijave se këta në fakt kanë ardhur nga hëna.
Ikën votat Monika na i morën. Çfarë është ky tmerr. Nuk vazhdohet më me karnavale. Më 30 qershor numëroni të gjitha të zezat që kanë një nga një dhe zhysni votën bam. Gimi nuk është doktor shkencash. Na doli edhe Neritani thotë iu shpërlaftë shejtani. Ka luajt mendsh. I hodhi në erë fallxhorja, i tërboi. T’i lëmë në dhimbjet e tyre, në frikën e tyre”, tha kryeministri.
