Një 25-vjeçar nga Pogradeci është arrestuar nga policia e Korçës, pasi pas një kontrolli në banesë iu gjetën lëndë narkotike.
Sipas njoftimit të policisë, gjatë kontrollit të ushtruar në banesën që ai kishte në përdorim, në Libonik, iu gjetën 5 doza me lëndë të dyshuar narkotike. Ndërsa gjatë kontrollit trupor iu gjet një thikë.
Njoftimi i policisë:
Specialistët e Seksionit për Hetimin e Narkotikëve në Drejtorinë Vendore të Policisë Korçë, bënë arrestimin në flagrancë të shtetasit:
V.H, 25 vjeç, banues në fshatin Kalivaç, Pogradec.
Arrestimi i tij u bë pasi, nga informacione të siguruara në rrugë policore, si edhe gjatë kontrollit të ushtruar në banesën që ky shtetas kishte në përdorim, në Libonik, iu gjetën 5 doza me lëndë të dyshuar narkotike e llojit kokainë, si edhe gjatë kontrollit trupor, iu gjet një mjet prerës (thikë), të cilat iu sekuestruan në cilësinë e provës materiale.
Materialet i kaluan Prokurorisë të Rrethit Gjyqësor Korçë, për veprat penale “Prodhimi dhe shitja e narkotikëve” dhe “Prodhimi, mbajtja, blerja apo shitja pa leje e armëve të ftohta”.
