Tre persona janë arrestuar në flgrancë në qytetin e Korcës, pasi akuzohen për prodhim dhe shitje të lëndëve narkotike.
Specialistët e narkotrafikut në Drejtorinë e Korçës, arrestuan shtetasit Pandeli Gjylapi, 26 vjeç; Stavri Fani, 24 vjeç; si dhe Lorenc Çipi, 29 vjeç, pasi u është gjetur 12 kg lëndë e dyshuar cannabis sattiva.
Të rinjtë po lëviznin me një mjet “Ford”, me targa AA 315 PT, të drejtuar nga Pandeli Gjylapi, në lagjen në 10 të qytetit juglindor.
Pas kontrollit që iu bë nga policia, fillimisht u gjetën 2.6 gramë cannabis në xhepin e xhupit të drejtuesit të mjetit, ndërsa të tjerët kanë tentuar të hedhin nga automjeti një qese farmaceutike me peshë 50 gramë hashash. Por kontrollet vijuan edhe në shtëpinë e Pandeli Gjylapit, ku u gjetën 12 kg kanabis në bidona plastikë, një peshore elektronike, disa qese farmaceutike, një grirëse për hashash, si dhe një vlerë monetare prej 90 eurosh dhe 237.500 lekësh.
