Përfundon pas 120 minutash loje me rezultatin 2-1, ndeshja midis Anglisë dhe Danimarkës në ”Wemblew Stadium”, sfidë e vlefshme për gjysmëfinalet e ”Euro 2020”. Pas 55 vitesh, anglezët rikthehen në një finale, dhe të dielën e 11 korrikut do të ndeshen kundra Italisë.
45 minutat e para ishin me ritëm mjaft të lartë, ku anglezët dominuan, por Danimarka realizoi e para.
Ai që ka befasuar “Tre Luanët” është talenti i Sampdoria-s dhe një më të kërkuarit e merkatos, Damsgaard. Një goditje dënimi perfekte nga distanca që ka befasuar Pickford.
Anglia gjeti golin e barazimit falë një autogoli dhe devijimi të pafat nga Simon Kjaer teksa tentoi të largonte pranë vijes fatale një top që u krosua nga krahu dhe po shkonte drejt Sterling i ndodhur nje hap nga porta.
Në kohën shtesë, Anglia ishte më kërkuese dhe fitoi një 11 metërsh pasi Sterling u pengua brenda zonës. Harry Kane gaboi në gjuajtjen e tij, por topi i pritur nga portieri danez u kthye sërish drejt tij dhe shënoi.
