Shqiptari Arjan Çakani, i cili pësoi dëmtime të rënda në vendin e tij të punës në Itali, për fat të keq ka ndërruar jetë në spital. 40-vjeçari punonte në makineritë që përhapin brumin, përpara prerjes dhe gatimit, në një kompani ëmbëlsirash. Mikserja ishte bllokuar, dhe në tentativë për ta rregulluar, shqiptari kishte humbur kontrollin duke rënë brenda saj. Ai ndërroi jetë sot, në një spital në Niguarda në Milano.
Mësohet se edhe bashkëshortja e të ndjerit punonte në të njëjtën fabrikë me të. Ajo i kishte ardhur në ndihmë Çekanit së bashku me kolegët e tjerë, kur kishin dëgjuar britmat e 40-vjeçarit, nga dhimbja e papërballueshme.
