Mbrëmja mes miqsh në Itali, ka përfunduar tragjikisht për një shqiptar nga Maqedoni, i cili jetonte prej kohësh në Arcole. Sipas mediave italiane, makina tip “Volswagen Polo” nën drejtimin e një braziliani është përplasur me një mur dhe për pasojë shqiptari nga Maqedonia, Jeton Shabani ka ndërruar jetë.
Ngjarja ka ndodhur në orët e vona të mbrëmjes së djeshme, kur makina Polo ka goditur murin e portës San Bonifacio. Policia italiane po kryen hetimet në vendin e ngjarjes, ndërsa pritet të identifikohet shkaku i përplasjes ku mbeti i vdekur i riu nga Maqedonia.
Sakaq, nga dyshimet e para theksohet se shoferi brazilian mund të ketë frenuar për të shmangur një makinë, e cila po vinte në drejtim të kundërt, por ende hetimet nuk kanë thënë fjalën e tyre.
