Ish-zëvendës kryeministri i Italisë, Matteo Salvini ka shpërndarë një video e cila po shpërndahet masivisht në rrjetet sociale.
Salvini ka postuar një video nga emisioni italian “Leonardo” në vitin 2015, në të cilin thuhet se shkencëtarët kinezë po prodhonin në laboratorë një virus të rrezikshëm.
Ish-zv.kryeministri italian ka kërkuar interpelancë urgjente me Presidentin e Këshillit të Ministrave dhe Ministrin e Jashtëm.
https://twitter.com/matteosalvinimi/status/1242866887932948481
“E pabesueshme. Nga Tgr Leonardo (Rai Tre) i datës 16.11.2015 një reportazh për një supervirus pulmonar Coronavirus të krijuar nga kinezët me lakuriq nate dhe minj, jashtëzakonisht i rrezikshëm për njerëzit. Nga Lega interpelancë urgjente me Presidentin e Këshillit të Ministrave dhe Ministrin e Jashtëm”, shkruan Salvini në postimin e tij në Twitter.
Në këtë emision flitet se një grup shkencëtarësh kinezë po punonin për krijimin e një super virusi. Në video thuhet se ai do krijohej nga transplantimi i një proteine nga lakuriqët e natës dhe virusit SARS të minjve, i njëjtë si koronavirusi.
