Një lajm i mirë vjen nga Italia sot, teksa vendi ka regjistruar numrin më të ulët të viktimave që nga muaji mars.
Sipas Worldometer, në 24 orët e fundit në Itali janë shënuar 99 viktima, 46 më pak në krahasim me një ditë më parë. Kështu shkon në 32,007 numri në total i personave që kanë humbur jetën nga COVID-19 në vendin fqinj.
Një rënie evidentohet edhe në zbulimin e rasteve të reja. Gjatë 24 orëve të fundit janë konfirmuar 451 raste të reja, 224 më pak sesa dje.
Me mbi 225 mijë raste të konfirmuara, Italia renditet e gjashta tashmë për numrin më të lartë të personave të infektuar me koronavirus, pas SHBA-ve, Rusisë, Spanjës, Mbretërisë së Bashkuar dhe Brazilit.
Më shumë se 127 mijë persona janë shëruar në Itali, ndërsa mbi 66 mijë raste mbeten ende aktive.
