Italia ka regjistruar një rritje të ndjeshme të rasteve të reja me koronavirus, duke shënuar shifrën më të lartë që prej muajit maj.
Sipas Worldometers, gjatë 24 orëve të fundit në vendin fqinj janë regjistruar 642 raste të reja, 241 raste më shumë se një ditë më parë. Ndërkohë, në orët e fundit janë shënuar edhe 7 viktima, dy më shumë se dje.
Deri më tani, Italia ka regjistruar mbi 255 mijë raste pozitive me COVID-19 dhe mbi 35 mijë viktima. Aktualisht, në shtetin fqinj janë 15.360 raste aktive me koronavirus.
Më shumë se 22.4 milionë njerëz nga e gjithë bota janë prekur nga COVID-19, ndërsa mbi 787 mijë persona kanë humbur jetën.
Në të gjithë botën janë ende rreth 6.5 milionë raste aktive, prej të cilëve 62.034 persona janë në gjendje të rëndë shëndetësore.
