Agjencia e Kombeve të Bashkuara për Refugjatët deklaroi se të paktën 45 emigrantë kanë humbur jetën në det pranë Libisë, si pasojë e përmbysjes së varkës me të cilën udhëtonin.
Raportohet se varka u mbyt pranë brigjeve të Zwara, pasi një nga motorët e saj shpërtheu në flakë.
Të paktën 35 persona kanë shpëtuar nga kjo tragjedi pasi peshkatarët në zonë iu erdhën në ndihmë. Sipas tyre në varkë ndodheshin emigrantë nga Senegali, Mali, Chadi dhe Gana.