Një lajm i mirë vjen për Italinë, pas shifrave tragjike me të infektuar dhe pacientëve që humbën betejën me Covid-19. Vendi po hyn në të ashtuquajturën zonë e verdhë e përforcuar.
Të dhënat e reja të monitorimit mbi infeksionet Covid në shtetin fqinj nuk janë publikuar ende, por pritet që të lehtësohen disa nga masat kufizuese.
Sipas “TGCOM”, pas dy ditëve, qytetarët italianë mund të lëvizin brenda rajoneve, por duke respektuar shtetrrethimin nga ora 22:00 deri në orën 05:00. Po kështu do ketë qarkullim tek baret e restorantet, e ku bizneset më në fund mund të marrin frymë. Pritet që të rihapen deri në orën 18:00 baret dhe restorantet. Po ashtu edhe dyqanet mund të qëndrojnë të hapura deri në orën 20:00.
