Policia italiane ka arrestuar 3 shtetas shqiptarë, për të cilët rëndojnë akuzat e vjedhjes së dy banesave në Cambiasca në Itali.
Sipas mediave të vendit fqinj, pasi policia është vënë në ndjekje të tyre, shqiptarët kanë tentuar të shpëtojnë duke u hedhur nga makina. Por, përpjekja e tyre ka qenë e panevojshme, ata janë vënë në pranga.
“Ata dolën nga makina, kurse më pas tentuan të godasin edhe policët. Tre shqiptarë u arrestuan mes natës së 4 dhe 5 janarit në afërsi të Verbanias. Të tre dyshohet se kanë vjedhur dy banesa në komunën e Cambiascas”, njoftojnë karabinierët.
