Italia ka shënuar një rritje në numrin e viktimave të shkaktuara nga koronavirusi në 24 orët e fundit.
Sipas autoriteteve të Mbrojtjes Civile, brenda 24 orëve të fundit janë shënuar 31 viktima, 13 më shumë se dje. Kështu shkon në 34,644 numri total i viktimave të shkaktuara nga koronavirusi në vendi fqinj.
Më shumë se 1,500 persona janë shëruar në 24 orët e fundit, ndërsa numri i përgjithshëm i tyre ka shkuar në 186,111.
Sa i përket rasteve të reja, autoritetet konfirmuan edhe 190 raste të tjera, duke e çuar në 239,410 numrin total të personave të infektuar.
Më shumë se 9,4 milionë njerëz nga e gjithë bota janë prekur nga koronavirusi, ndërsa mbi 481 mijë persona kanë humbur jetën.
