Prej dy ditësh tashmë, Italia po regjistron një rritje të numrit të viktimave nga koronavirusi.
Sipas mediave fqinje, në 24 orët e fundit kanë ndërruar jetë 34 persona. Ndërkohë që dje ishin 30, ndërsa të martën 18 viktima. Kështu shkon në 34,678 numri total i personave që kanë humbur jetën nga COVID-19 në Itali.
Një rritje është evidentuar edhe në numrin e rasteve të reja të konfirmuara. Gjatë 24 orëve të fundit, raportohet të jenë shënuar 296 raste të reja, ndryshe nga 190 që ishin dje.
Deri më tani, vendi fqinj ka regjistruar rreth 240 mijë raste me koronavirus, prej të cilëve mbi 18 mijë raste janë ende aktive.
Më shumë se 9,6 milionë njerëz nga e gjithë bota janë prekur nga koronavirusi, ndërsa mbi 487 mijë persona kanë humbur jetën.
