Një shqiptar ka rënë në prangat e policisë italiane, si një nga katër menaxherët e drogës së kapur sot në portin e La Spezia në Italia.
Guardia di Finanza bën me dije se sasia e kapur ishte 333 kg drogë, që në treg do të kapte një vlerë prej 100 milionë euro. Droga vinte nga Brazili dhe kishte destinacion tregun evropian. Ajo do të depozitohej në një magazinë në Massa Carrara.
Ndër katër të arrestuarit ishte dhe një shqiptar, i cili mbante dy emra. Sipas mediave të shtetit fqinj, ai është identifikuar me inicialet P.B.L.
