Është gjetur i vdekur në ballkonin e shtëpisë së tij në Itali një shqiptar. Ngjarja ka ndodhur në Borgosatollo në zonën e Breshias, teksa shqiptarin me nënshtetësi italiane e kanë gjetur të vdekur të afërmit dhe miqtë që e kërkonin. Ata nuk kishin asnjë informacion për vendndodhjen e tij dhe ishin shqetësuar.
Të dhënat e nxjerra nga ekspertiza tregojnë se shqiptari ishe rreth 40 vjeç, identiteti i të cilit nuk bëhet i ditur ka mbetur i vdekur nga një plagë me armë zjarri tip pistoletë në kokë, njoftojnë mediat vendase.
Nuk dihen ende shkaqet dhe motivet e ngjarjes, por paraprakisht dyshohet se shqiptari ka vrarë veten me një plumb në kokë për shkak të depresionit lidhur me çështjet sentimentale.
