Autoritetet italiane kanë bllokuar një anije me 7000 turistë, pasi kanë dyshime në bord janë dy persona të prekur nga koronavirusi. Sipas raportimeve, një çift kinezësh ka shfaqur probleme të mëdha me frymëmarrjen dhe temperaturë të lartë.
Kroçiera është ankoruar në portin e Civitaveçhias dhe është në karantinë të plotë.
Mediat italiane kanë bërë të ditura edhe detaje të tjera. Sipas tyre bëhet fjalë për një çift nga Hong Kongu. Gruaja 54 vjeçare ishte me temperaturë të lartë dhe u është nënshtruar testeve të mjekëve.
Ngjarja ka përhapur panik te pasagjerët e tjerë. Asnjëri prej tyre nuk lejohet të zbresë nga anija pa përfunduar testimet. Gjatë turit të saj anija ka ndaluar në Marsejë, Barcelonë, Palma De Mallorca.
“Jemi duke pritur rezultatet e testimeve të kryera. Të gjitha hapat që duheshin realizuar janë ndërmarrë. Situata është nën kontroll dhe për momentin nuk shihet të ketë motive për t’u shqetësuar në bord”, deklaroi zyrtari i Rojes Bregdetare, Vicenzo Leone.
