Numri i rasteve të reja me koronavirus në Itali vijon të jetë në ulje, ndërsa numri i viktimave është rritur në krahasim me një ditë më parë.
Gjatë 24 orëve të fundit, në shtetin fqinj janë regjistruar 238 raste të reja dhe 8 viktima. Ndërkohë që, bilanci i një dite më parë ishte 295 raste dhe 5 vdekje.
Deri më tani, Italia ka regjistruar më shumë se 248 mijë raste me koronavirus dhe mbi 35 mijë viktima. Aktualisht, mbi 12 mijë raste janë ende aktive, prej të cilëve 42 pacientë ndodhen në gjendje të rëndë shëndetësore.
Më shumë se 18 milionë njerëz nga e gjithë bota janë prekur nga COVID-19, ndërsa mbi 690 mijë persona kanë humbur jetën.
