Presidenti i vendit Ilir Meta vijon të dëshmojë në Komisionit Hetimor. Në një moment, gjatë fjalës së tij, Meta ka kritikuar qëndrimin e mazhorancës dhe opozitës që nuk tentuan për t’u ulur në dialog.
Kreu i Shtetit deklaroi se ishte krijuar një situatë “e çmendur” politike dhe nuk mund të mos ndërhynte, pasi sipas tij, do të kishte përplasje dhe gjakderdhje.
Po ashtu, ai e cilësoi qëndrimin e Bashës si ‘kokëfortësinë e kreut të PD’, për të mos u ulur në tryezë me Ramën kryeministër, ndërsa shtoi se ishte i papranueshëm edhe ‘kokëfortësia’ e Ramës për të mos shtyrë zgjedhjet.
“Kur vendosa të shtyjë zgjedhjet, situata ishte e çmendur, të dyja palët nuk mbanin asnjë lloj përgjegjësie. Të dyja palët donin konfrontim, që mund të sillte gjakderdhje, mos harrojmë që një police e re humbi gishtin. Presidenti nuk mund të priste që të humbte jetën një polic, apo një qytetar. Asnjë palë nuk do mbante përgjegjësi, të dyja do akuzonin njëra-tjetrën, duke përshkallëzuar më tej krizën që nuk ishte në interes të Shqipërisë dhe Kosovës. Para se të merrja një akt të tillë, të cilin e mora pasi u njoha me dokumente sekrete shtetërore”, tha Meta.
