Ish-deputeti i Partisë Demokratike, Edi Paloka, i ftuar në emisionin ‘Zonë e Lirë’, ka treguar momentin e parë që është takuar me Edi Ramën, para 26 vitesh.
Paloka u shpreh se edhe atëherë pati një incident me Ramën, pasi ky i fundit e kishte ofenduar, por përplasja u evitua nga gazetari Blendi Fevziu.
“I vetmi kontakt ka qenë kur kam qenë gazetar i Rilindjes në vitin 1993. Po dilja me Fevziun, Po hipnim me makinë. Ishim të Pallati i Kongreseve. Rama ishte me një biçikletë 28-she dhe ky se ç’tha diçka fyese për mua. E tha më zë të ulët. Fevziu më shtyu dhe unë nuk ragova. Ky siç është burracak e ngriti më shumë zërin sepse kujtoi se nuk e dëgjova. Dhe kur unë iu ktheva, nuk isha më aq shumë i qetë sa në fillim. Fevziu e kuptoi dhe i bërtiti Ramës, ‘Ik Ed’. Ky mori biçikletën dhe ia mbathi”, rrëfeu Paloka.
