Publikohet video e ekzekutimit të Delon Troqes në Vlorë, ngjarje e ndodhur mbrëmjen e 21 majit. 38-vjeçari, i cili sapo ishte kthyer nga Spanja, u ekzekutua me breshëri para servisit të vëllait të tij.
Siç duken edhe pamjet nga video, autorët të cilët ndodheshin brenda një automjet tip ”Audi”, janë afruar pranë servisit ku Troqe ndodhej me vëllain e tij. Më pas, është ulur xhami në pjesën e pasme të makinës dhe drejt tij është qëlluar me breshëri kallashnikovi.
Autorët e këtij ekzekutimi janë larguar me shpejtësi, dhe nuk janë arrestuar ende nga policia, duke shtuar faktin se dhe automjeti i gjet i djegur, duke bërë të vështirë gjetjen e provave.
Viktima, pronar i një servisi makinash
Viktima ishte pronar i një servisi makinash dhe një pike dhëniesh skafesh me qira gjatë sezonit të verës. I ndjeri kishte pak kohë që ishte kthyer nga Spanja.
Kush është Delon Troqe?
38-vjeçari rezulton se është kushëri me një tjetër person të përfshirë në trafikun e drogës. Ai është kushëriri i Elvis Troqe, i zhdukur që prej korrikut të 2018. Nga ajo kohë e deri më sot, prej të riut nuk ka asnjë shenjë. Ky është ekzekutimi i dytë që ndodh në qytetin e Vlorës brenda 12 ditëve, ku më 10 maj u ekzekutua me breshëri kallashnikovi në makinën e tij 40-vjeçari, Bledar Birçaj, i cili gjithashtu nuk kishte shumë kohë që ishte kthyer nga Spanja. Kjo është vrasja e katërt që ndodh në katër muaj në qytetin e Vlorës.
