Josif Kavaja, 45-vjeçari i cili terrorizoi Elbasanin mbrëmjen e djeshme, pasi qëlloi në drejtim të policisë, u neutralizua nga uniformat blu mëngjesin e sotëm.
Ai ishte një njeri tepër i rrezikshëm, pasi gjatë kontrollit në banesën e tij, policia gjeti mijëra fishekë, granata dhe lëndë narkotike.
”Si rezultat i kontrollit të banesës të kryer nga Grupi i Posaçëm Hetimor nën drejtimin e Prokurorisë, janë gjetur dhe sekuestruar 13500 fishekë model 56, një kuti me 70 fishekë pistolete 30 granta difesive, rreth 2 kilogram kanabis sattiva dhe një sasi me fara kanabis.’’, informon policia.
Më parë në momentin e arrestimit , policia gjeti dhe sekuestroi edhe armën e zjarrit me të cilën ky shtetas qëlloi mbi policinë si dhe një sopat.
Josif Kavaja është arrestuar mëngjesin e sotëm, pas më shumë se 12 orësh në arrati në fshatin Zavalinë të Elbasanit. Pasi është mjekuar në spital, ai është dërguar në Komisariatin e Policisë për të dhënë deklaratën e tij lidhur. Sipas të afërmve, Kavaja vuan nga probleme të shëndetit mendor dhe prandaj, i provokuar nga fqinjët ka qëlluar më armë ndaj tyre.
