Luis Suarez ka folur përsëri në lidhje me incidentin e ndodhur me mbrojtësin italian Giorgio Chiellinin në Botërorin e Brazilit. Ylli uruguaian i Barcelonws kafshoi në shpatull italianin gjatë ndeshjes.
Suarez rrëfeu për “Fox Sports” se edhe bashkëshortes së tij ia mohoi gjestin: “Më pyeti pas ndeshjes çfarë ndodhi dhe i thashë që nuk e kafshova, thjesht u përplasa. Po mohoja realitetin dhe kjo është e gabuar. Të gjithë e dinë pastaj që nisa takimet me psikolog”.
Por, pavarësisht se e pranon gabimi, Suarez shprehet se dënimi që iu dha nga FIFA ishte i ekzagjeruar.
“Më ndaluan të hyja nëpër stadiume, nuk mund të shkoja të shikoja nipin tim. Ishte çnjerëzore. Kisha firmosur me Barcelonën, por nuk mund të më prezantonin. Fëmijët e mi nuk e kuptonin ende pse nuk mund të shkoja në stadium. Ishte e vështirë për mua”, u shpreh Suarez.
