Bora Zemani ka pranuar publikisht se është në një lidhje me Donald Veshaj. Ajo ka qenë e ftuara speciale në programin “Binjakët Show”, në ekranin e “Vizion Plus”.
E ulur përballë partnerit të saj, ajo u bë pjesë e sfidës “Ndaje ose Haje”, ku nuk nguroi të tregonte për historinë e tyre 2-vjeçare të dashurisë. Bora rrëfeu se cila ishte gjëja që kishte menduar, kur e kishte parë për herë të parë Donaldin.
“Kur të kam parë për herë të parë, dija që në atë kohë Jonida Maliqi ishte e lidhur me njërin nga binjakët dhe mendova me vete: Ishalla nuk është ky ai që është lidhur Jonida”, tregoi ajo, duke folur më pas edhe për zënkën e tyre të fundit në çift.
“Zënka e fundit? Ne kishim një përvjetor bashkë, dhe supozohet që çiftet mendojnë për njëri-tjetrin, që t’i bëjnë dhurata njëri-tjetrit. Bëmë 2 vite bashkë dhe u zumë, sepse unë nuk kisha bërë dhuratë atë ditë, ndërkohë që ti (drejtuar Donaldit), e kishe bërë dhuratën tënde. Dhurata ime erdhi një ditë më mbrapa”, përfundoi ajo.
