Versionin e policisë se ka pasur shkëmbim zjarri me grabitësit e Rinasit, ish-presidenti Nishani e quan “tentativë për t’i hedhur tym publikut”.
Në një reagim në Facebook lidhur me grabitjen spektakolare, Nishani shkruan se nëse do të kishte pasur shkëmbim zjarri, ai do të kishte përpara se banda të mbërrinte tek avioni.
Por, sipas Nishanit, ky nuk është problemi themelor, por “çështja themelore është sepse bandat dhe terroristët e këtij lloji siç ishte dhe ai i fundit, nuk kanë frikë nga askush. As nga shteti, as nga ligji, as nga policia, as nga ruajtja e as nga siguria.”
Reagimi i plotë:
Tentativa për ti hedhur tym publikut me gjoja “shkëmbime zjarri” nga policia me bandën terroriste që grabiti avionin Austrian Airlines, është po aq kriminale sa grabitja e miliona parave prej bandës, që tashmë do të paguhen nga taksat e njerëzve të thjeshtë.
Nëse do të kishte patur një shkëmbim zjarri, ai do të kishte ndodhur përpara se banda të mbërrinte tek avioni.
Por në fakt ky nuk është problemi i vërtetë e më madhori.
As ai i mosmarrjes së masave pas disa grabitjesh spektakolare në mes të ditës, e në mes të kryeqytetit.
Këto probleme mbeten në hije nga thelbi i revanshit të krimit dhe terrorit.
Çështja themelore është sepse bandat dhe terroristët e këtij lloji siç ishte dhe ai i fundit, nuk kanë frikë nga askush.
As nga shteti, as nga ligji, as nga policia, as nga ruajtja e as nga siguria.
Sepse ata askush nuk i ndjek, askush nuk i heton, askush nuk i shqetëson, askush nuk i turbullon.
Një qeverisje e ardhur nga krimi pjell vetëm krim, bashkëjeton vetëm me krimin dhe prodhon veç terror.
