Ish-missi në politikë, Basha i cakton pozicionin e rëndësishëm Floriana Garos

Ish-missi shqiptar, Floriana Garo do të jetë pjesë e politikës, pasi kryedemokrati Lulzim Basha e ka emëruar zëdhënëse të fushatës së Partisë Demokratike.

Garo do të pasojë në këtë pozicion Ina Zhupën, e cila tashmë është vendosur nga Basha në listën e kandidatëve për deputetë.

Floriana Garo jeton prej disa vitesh në Gjenevë të Zvicrës së bashku me familjen, por tashmë do të qëndrojë në Shqipëri për t’i shërbyer fushatës së Partisë Demokratike.

Sot në mesnatë skadon afati për dërgimin e listave të kandidatëve për deputetë nga partitë politike në Komisionin Qendor të Zgjedhjeve, (KQZ).

Teksa pritet bërja publike e të gjithë emrave të kandidatëve, burime nga Partia Demokratike bëjnë me dije se analisti dhe publicisti, Agron Gjekmarkaj do të kandidojë në qarkun e Lezhës, dhe shkrimtarja Flutura Açka në qarkun e Elbasanit.