Ish-ministri i Jashtëm, Ditmir Bushati është emëruar si përfaqësuesi special i OSBE për Kaukazin e Jugut nga Asambleja Parlamentare.
”Bushati do të ndjekë situatën e përgjithshme politike në këtë rajon, do të punojë për promovimin e dialogut në të gjithë segmentet e shoqërisë, me fokus të vecantë atë në nivel parlamentar, duke nxitur dhe inkurajuar pajtimin në konfliktet e stërzgjatura në rajon.”, thuhet në njofitmin e OSBE.
Sipas tyre, Bushati do të ketë për detyrë të marrë në konsideratë mënyrat dhe masat e ndërtimit të besimit dhe krijimin e kushteve të favorshme për identifkimin dhe zbatimin e zgjidhjeve politike.
Ish-ministri gjithashtu do të punojë me kryesinë dhe strukturat ekzekutive të OSBE-së, grupin e Misnkut, si dhe Përfaqësuesin Personal të Kryetarit të Zyrës për Konfliktin e Trajtuar nga Grupi i Minskut si dhe do të ndjekë zhvillimet në Diskutimet Ndërkombëtare të Gjenevës.
Mandati i tij do të zgjasë deri në korrik të 2021, në sesionin vjetor të Asamblesë Parlamentare të OSBE në Bukuresht.
