Gjykata e Posaçme e Apelit ka shtyrë më datë 22 shtator dhënien e vendimit për ish-kryeprokurorin Adriatik Llalla. Trupi gjykues nuk ka pranuar asnjë provë të re të paraqitur nga avokati mbrojtës Sokol Hazizaj, ndërsa vendosi që më 22 shtator, në orën 14:00, të jepet vendimi final për Llallën.
Vetë ish-kryeprokurori mungoi sot, pasi sipas avokatit Sokol Hazizaj, është i shtruar në spital dhe ndodhet në gjendje të rëndë shëndetësore. Hazizaj kërkoi pafajësi për Llallën ose rikthimin për gjykim të çështjes sërish në Shkallën e Parë, por me një tjetër trupë gjykuese.
Avokati i Llallës paraqiti provat e reja, por gjykata nuk pranoi as marrjen si provë raportin mjeko-ligjor të Llallës, dhe as provën se shërbimet spitalore në SHBA janë paguar nga një shtetas amerikan.
