Ish-kryeministri i parë i Shqipërisë, Aleksandër Meksi në një postim në rrjetet sociale ka rikujtuar procedurën e heqjes së yllit me pesë cepa nga Flamuri Kombëtar, duke publikuar një dokument të vitit 1992.
Meksi shprehet se heqja e yllit komunist si simbol nga flamuri kombëtar është propozuar nga vetë ai, teksa thotë se propozimi u firmosë nga 25 deputetë.
“Me qene se u përmend këtu si u hoq ylli nga Flamuri Kombëtar në fillim të prillit 1992…po e tregoj si dëshmitar i atij akti.
Isha unë që bëra propozimin me gojë nga vendi…nga krahu i majtë i sallës dikush foli që duhet me shkrim propozimi dhe unë shkruajta me nxitim…siç dhe shihet…dhe nxitova t’ia dorëzonja Kryetarit Z. Arbnori…por prap i njejti zë tha se duhen 25 firma; u ktheva tek bankat dhe shumë nga deputetët u afruan dhe fimosën. E dorëzova dhe u miratua…”, shkruan Meksi.
