E mërkurë, 28 Korrik, 2021
22.5 C
Tirana

Ish-kryebashkiakja e Gjirokastrës, aferë shumëmilionshe me tregun industrial

Emisioni “Stop” në Tv Klan ka publikuar sot investigimin për rastin e tregut Industrial në Gjirokastër, që u ndërtua nga ish-kryetarja e bashkisë, Zamira Rami. Për ndërtimin e këtij tregu industrial ka pasur shumë debate në Këshillin Bashkiak dhe janë hedhur dyshime se kontrata mes bashkisë dhe kompanisë private është një aferë korruptive.

Rreth këtyre dyshime emisioni “Stop” ka investiguar dhe ka publikuar disa detaje që nuk ishin zbuluar më parë rreth kontratës e cila sërish vijon të prodhojë debate. Në dokumentin e kontratë së qirasë së lidhur mes Bashkisë Gjirokastër dhe kompanisë private tregohet shuma të cilën do të paguhet çdo muaj për këtë treg. Siç edhe shihet në dokument bashkia duhet të paguajë 325 mijë Lekë të rinj në muaj për një periudhë 15-vjeçare, për një treg i cili duhet të ishte sipas standardeve më të mira dhe tregtimi të bëhej në kushte optimale.

Por nga një vëzhgim që është bërë nga “Stop”, tregu nuk është i mbuluar dhe për të shpangur shiun është vendosur plastmasë, por që kur bie shi tregu mbushet plot me ujë dhe tregtarët janë ankuar se u është dëmtuar dhe malli që kanë pasur nëpër dyqane.

Lidhur me këtë kontratë të dyshimtë është në dijeni dhe kryetari i ri i Bashkisë Gjirokastër, Flamur Golemi. “Patjetër që pasi të mbarojë kjo histori do të shohim mundësinë për të riparo këtë kontrate. Penaliteti i taksapaguesve gjirokastrit është shumë i rëndë”, është shprehur Golemi.

Por emisioni “Stop” ka mësuar se as kreu i bashkisë nuk ka bërë asnjë lëvizje për të anuluar këtë kontratë që rëndon 325 mijë Lekë të rinj çdo muaj mbi taksapaguesit. Por ky treg nuk ka problem vetëm me çmimin e lartë të qirasë dhe jo blerjen e truallit, por edhe me shpronësimet që janë bërë për ndërtimin e godinës.

Tregu i ri ka zënë një pjesë të tokës së spitalit Rajonal të Gjirokastrë. Ky treg ka sjell dhe një problem me pronarin e pallatit që është ngjitur, pasi i është bllokuar hyrja. Po “Stop” ka mësuar se është ndryshuar disa herë dhe projekti për tregun.

Por sa do i kushtojë ky treg qytetarëve të Gjirokastër? Toka në vendin ku është ndërtuar tregu kushton nga 80 deri në 100 Euro për ta blerë, por bashkia ka zgjedhur që të paguajë privatin çdo muaj me 325 mijë Lekë të rinj.

Kjo çështje është dërguar dhe në Prokurorinë e  Gjirokastrës, pas denoncimeve nga pronarët e tokave që janë dëmtuar nga ndërtimi i tregut. Hetimet janë kryer nga prokurori Julian Çafka, por ky i fundit nuk ka vijuar me hetimet dhe e ka mbyllur çështjen. Por kjo çështje duhet të shkonte në SPAK, pasi hetimi kundër kryebashkiakëve kryhet nga prokuroria e posaçme./tvklan.al

- Reklama -

Më shumë nga kategoria




Të fundit

Si mund të shmangen epidemitë

Numri i vdekjeve të raportuara nga COVID-19 ka kaluar 4 milionë, sipas Universitetit Johns Hopkins që regjistron infektimet dhe vdekjet. Në 100 vitet e...

Politikani lituanez dënohet me burg për spiunim për Rusinë

Një gjykatë në Lituani dënoi politikanin Algirdas Paleckis me gjashtë vjet burgim, pasi e shpalli fajtor për spiunim për Rusinë. Gjykata e rrethit Siauliai vendosi...

Lëkundje sizmike me magnitudë 4.1 në Shqipëri

Lëkundje sizmike janë regjistruar mbrëmjen e sotme në vendin tonë. Sipas statistikave të publikuara nga Instituti i Gjeoshkencave, Energjise, Ujit dhe Mjedisit, tërmeti me...

Zgjedhje të parakohshme? Haradinaj: Qeveria Kurti nuk do të zgjasë shumë

Kryetari i Aleancës për Ardhmërinë e Kosovës, Ramush Haradinaj deklaroi se qeveria e Albin Kurtit nuk do të zgjasë shumë, duke paralajmëruar se në...

I pandehur me ish-ministrin Tahiri/ Rrëzohet kërkesa e Jaeld Çelës për liri

Gjykata e Posaçme kundër Korrupsionit dhe Krimit të Organizuar (GJKKO), ka rrëzuar  kërkesën e ish-drejtorit të Policisë së Vlorës Jaeld Çela, për lirimin nga...