Një ish-konkurrent i “Për’puthen” ka publikuar fotot e dyshimta të lojtarit të këtij edicioni, Atdheut, para se të bëhej pjesë e emisionit. Siç duket dhe nga fotot, ai para se të bëhej pjesë e emisionit, kishte kontakte me një nga vajzat.
Por edhe para se të prezantohej, ai nuk ishte një figurë e panjohur për vajzat dhe djemtë, pasi kishte darkuar më herët me të. Dhe këto prova i ka nxjerrë ish-konkurrenti i “Për’puthen” Alban Dyrmishi, i cili u përjashtua nga produksioni i emisionit “Përputhen” në Top Channel pas një interviste, ndonëse nuk shprehu asgjë që e dëmtonte emisionin ku ishte pjesëmarrës.
Përkundrazi, ai shprehu falenderime për produksionin dhe u tregua shumë diskret përsa i përket prapaskenave që ndodhnin aty brenda. Konkurrenti më ri që i është bashkuar “Për’Puthen” quhet Atdhe, është 27-vjeç, dhe është nga Gjakova.
Ai ka jetuar 8 vite në shtete të ndryshme të Europës, ku ka bërë punë të ndryshme. Madje pranoi pa komplekse se ka punuar edhe në ndërtim.
Së fundmi, në rrjet po qarkullojnë disa foto ku Atdheu shihet krah vajzave dhe djemve në një darkë ku morën pjesë të shtunën që lamë pas.
Ishte Alban Dyrmishi ai që ka publikuar fotot në Instastory, duke hedhur akuza mbi produksionin. Kujtojmë se Albani ka qenë konkurrent sezonin e kaluar në “Për’puthen”.
