Pas emërimit si këshilltar i kryetarit të Kuvendit, Knut Fleckenstein ka shprehur lumturinë që Shqipëria po punon në rrugën drejt BE-së.
“I lumtur që filluat të punoni drejt anëtarësimit të plotë të Shqipërisë në BE. Parlamenti shqiptar po luan një rol të rëndësishëm në këtë proces. Faleminderit kryetarit të Kuvendit për besimin e tij. Mezi presim bashkëpunimin me të gjithë aktorët shqiptarë”, shprehet ai në një postim në Twitter.
Ish-raportuesi për Shqipërinë në Parlamentin e BE dhe ish-eurodeputeti Knut Fleckenstein, do të jetë këshilltar i kryetarit të Kuvendit, Gramoz Ruçi.
Fleckenstein është emëruar këshilltar për integrimin në kabinetin e kryetarit të Kuvendit.
