Mbrëmjen e djeshme, ish-deputeti Dashamir Shehi, duke folur për krizën politike në emisionin “Open”, ka treguar disa arsye të cilat sipas tij janë kryesore se pse gjendemi në këtë situatë sot.
Sipas Shehit, kryeministri nuk e priste vendimin e marrë nga opozita, për këtë arsye ai “i friksohet kësaj situate që e ka krijuar vetë”. Ish-deputeti është i mendimit se kryeministri Rama ka frikë të jetë i vetëm në zgjedhje. Mjaft i vendosur, ai shtoi më tej se nuk kanë ndërmend që të mbështesin asnjë që shkel regullat.
“Rama ka frikë të jetë i vetëm në zgjedhje pas kësaj situate që e ka krijuar vetë. Mos besim tek institucionet, e bëri në funksion që të marri zgjedhjet.
Këtë situatë nuk e ka menduar. Ka menduar se do i qëndrojë lojës. Disa se janë dhe sahan lëpirës, se këtu kallamin e lëpijnë të gjithë të kuq dhe të… Këtu ka dhe disa që nuk e duan më kallamin, nuk iu pëlqen më kallami. Ne nuk kemi ndërmend të përkëdhelim asnjë që shkel rregullat”, deklaroi Shehi.
