Ish-deputeti demokrat Tritan Shehu e ka konsideruar një krim pagesën prej 40 milionë dollarësh të programuar nga qeveria për koncesionet në Shëndetësi për vitin 2020.
Në këtë situatë të vështirë që po kalon Shqipëria, sipas Shehut është katastrofale të paguhet një vlerë e tillë për koncesionet.
“Është krim mbi krim qe në këtë situate tejet të vështire kur gjendjes katastrofale te sistemit shëndetësore ju shtuan te tjera vështirësi nga tërmeti, t’u paguhen për vitin 2020 monopoleve tërësisht abuzive, jo rentabël klinikisht, dëmtuese te tërësisë funksionale te institucioneve shëndetësore, pra PPP-ve, edhe 40 M $ te tjerë.
Pasojat e tërmetit, qe ka dëmtuar edhe struktura spitalore e shëndetësore ne Tirane dhe Durrës, se bashku me te tjera detyrime te reja te imponuara ndaj qytetareve prej tij, kërkojnë kosto shtese te mëdha për sistemin tone shëndetësor, deri me tani ne varfëri afrikane, për t’u përballuar.
Te gjitha këto fonde gjigande për realitetin tone, te destinuara për te ashtuquajturat PPP te keq përdorura deri ne ekstrem, duhet te hidhen menjëherë ne shërbim te plote te qytetareve, te përballimit te nevojave te tyre nga sistemi shëndetësor dhe pse jo edhe për përmirësime te tjera reale te këtij sistemi ne kolaps”, nënvizoi Shehu.
