Ish-deputeti demokrat Klevis Balliu, në një intervistë për ‘Al Jazeera’, ka komentuar çështjen e bujshme të përgjimeve të “Bild”, ku kryeministri Rama bën pazare për blerje votash. Me anë të një statusi në rrjetin social Facebook, krahas një sekuence vidoje të intervistës për ‘Al Jazeera’, Balliu shkruan se përgjimet vërtetuan vjedhjen e zgjedhjeve, dhe lidhjen e Ramës me krimin e organizuar. Edhe një herë tjetër ai i mëshon faktit se nuk mund të ketë zgjedhje me qeverinë që vjedh vota.
Statusi
Intervistë për ‘Al Jazeera’.
Përgjimet vërtetuan VJEDHJEN e zgjedhjeve dhe lidhjen e Ramës me Krimin e organizuar.
S’mund të ketë zgjedhje pa dekret.
S’mund të ketë zgjedhje me qeverinë që vjedh vota.
Një ditë më parë, gazeta gjermane ‘BILD’ , publikoi 16 përgjime të reja ku Rama dhe eksponentë të PS bëjnë pazare për blerje votash në vitin 2017.
