Ish-deputeti i Partisë Demokratike, Ervin Salianji, ka reaguar pas deklaratës së Ministrit të Brendshëm, Sandër Lleshaj, lidhur me protestën e opozitës. Lleshaj në një konferencë për shtyp e konsideroi tubimin e djeshëm të opozitës si të dhunshëm, dhe se ishte në plan edhe sulmi ndaj institucioneve.
Në kundërpërgjigje, Salianji shkruan në Twitter se falë urdhrave të ministrit, protestuesit u përballën me gazin helmues.
“Lleshaj na mbyti me gaz, dje nga frika helmoi popullin me gaz helmues, sot me servilizmin deri në budallëk shkriu shqiptarët gazit”, shkruan ai.
Ish-deputeti nuk e ka lënë me kaq, por vë në dukje se qytetarët nuk do ndalen, deri në çuarjen në fund të misionit të tyre. “Protestë dhe qytetari! Në këmbë për Shqiperinë”.
