Ish-deputeti demokrat Sherefedin Shehu, përmes një postimi në llogarinë e tij në Facebook, ka kritikuar kreun e PD, Lulzim Bashën, duke ua bërë të qartë shqiptarëve se nëse Basha nuk është në gjendje të mbajë shtëpinë e tij, nuk mund të besohet se mund të rregullojë Shqipërinë.
“Nëse standardet e mira që i përmend çdo ditë nuk i zbaton për vete, nuk besoj se mund t’u mbushësh mendjen të tjerëve se do ti zbatosh për Shqipërinë. Dosja 184 dhe shumë dosje të tjera tregojnë se kjo nuk është Qeveria që shqiptarët duan, por askush nuk mund të pranojë Republikë të Re me mendje të vjetër”, shkruan Shehu.
Ai foli dhe për dosjen 184, ku, sipas ti, pikërisht këto dosje tregojnë se kjo nuk është qeveria që duam.
Postimi i plotë:
Të Dashur Dibranë,
U gëzova shumë që ju pashë të shtuar dhe me entuziazëm në mbështetje të PD-së. Por, meqenëse Basha foli më shumë për dosjen 184, duhej ta kishit pyetur se ku e ka protagonistin e tij që kjo dosje e viktimizoi dhe PD-së i legjitimoi çadrën. Dhe këtë nuk po jua kërkoj që unë të fitoj pikë por kjo pyetje e ndihmon PD-në për të gjetur rrugën e fitores. Nëse shqiptarët shikojnë se kreu i PD-së nuk është në gjendje të mbajë shtëpinë e tij nuk mund të besojnë se ai do të rregullojë Shqipërinë. Nëse standardet e mira që i përmend çdo ditë nuk i zbaton për vete, nuk besoj se mund t’u mbushësh mendjen të tjerëve se do ti zbatosh për Shqipërinë. Dosja 184 dhe shumë dosje të tjera tregojnë se kjo nuk është Qeveria që shqiptarët duan, por askush nuk mund të pranojë Republikë të Re me mendje të vjetër. Sepse kjo bëri që të hysh në çadër dhe të mos dish si të dalësh prej andej dhe tani që i dogje mandatet kam frikë se flaka e tyre do të fiket shpejt. Zoti e ndihmoftë PD-në dhe Shqipërinë.
