Kryetari i LDK-së, Isa Mustafa, ka thënë se partia e tij nuk do të shkojë në koalicion parazgjedhor me asnjë forcë tjetër politike. Megjithatë, Mustafa la hapur mundësinë që të garojë bashkë me ndonjë parti të vogël.
“Akoma nuk kemi vendosur në strukturat e LDK-së, së shpejti do të organizojmë një mbledhje të kryesisë. Unë mendoj se do të garojmë vet. Mbesim të hapur për ndonjë subjekt të vogël. Por, koalicione parazgjedhore nuk do të bëjmë me asnjë subjekt politik”, ka thënë Mustafa në RTK.
Sipas tij, Lëvizja Vetëvendosje e drejtuar nga Albuin Kurtim po ia bën qejfin vetes me sondazhe.
Për vendimin e Gjykatës Kushtetuese. Mustafa u shprreh se ky institucion mori rol që nuk i takon në momentin kur shpalli zgjedhjet.
“Ishte i papritur vendimi i Gjykatës Kushtetuese. Ajo mori rol që nuk e ka, sepse shpalli zgjedhjet. Këtë nuk e bën ajo. Megjithatë ne kemi vendosur ta respektojmë këtë vendim”, tha Mustafa.
