Kryeministri Edi Rama, e ka përqëndruar fushatën e tij elektorale te rindërtimi dhe vaksinimi kundër koronavirusit, teksa nuk i kursen ironitë për kundërshtarët politikë.
Nga Ballshi, ku zhvilloi një bashkëbisedim me strukturat e PS-së, dhe prezantoi kandidatët për deputetë, Rama u shpreh se opozita nuk sjell progres, por vetëm bllokon.
Lidhur me çështjen e vaksinave, Rama tha se kryedemorkati Lulzim Basha do ishte i paaftë për të gjetur doza për qytetarët.
Edi Rama: ”Fle Luli por nuk fle Saliu, as Iliri. Nuk fle Monika. Se demokratët, nuk e kuptoj dot si mund ta bëjnë, kur voton Lulin dhe është njësoj si “Kinder”. E hap dhe të del xhindi. Po jo 1, tre. Të ngec në fyt grupi i xhindeve. Më thonë pse i thua Gjino? Po se është Gjinua, shikojeni si e nxjerrin në dasma. Saliu rri e fshihet pas qytetarit dixhital. Ilir vjen vërdallë dhe gjithmonë e thotë fjalën burg.
Duket sikur i nxjerr frikën vetes. Monika shkon filxhan më filxhan. Në Vlorë kanë filluar dhe nuk bëjnë fushatë por kallëzime për çdo punë. Thonë do e çojnë në prokurori. Do çojnë çdo gjë në Prokurori. Le t’i çojnë por do bllokohet çdo gjë. Edhe vaksinimi! Kush do t’i gjejë vaksinat? Luli. Është tmerr. Nuk është për të qeshur se çfarë mund të ndodhë me drejësijnë.”
