Basha viziton familjen që ka kaluar Covid-in: Do keni mbështetje financiare

Kryetari i Partisë Demokratike Lulzim Basha, ka vizituar një çift të moshuarish në Tiranë, të cilët kanë kaluar COVID-in.

Ata u shprehën se COVIDI-n e kanë kaluar në shtëpinë e tyre dhe të gjitha shpenzimet i kanë mbuluar vetë.

Basha përsëriti zotim e Partisë Demokratike që parashikon mbështetjen financiare për të gjithë ata persona që COVID-in e kanë mbuluar me shpenzimet veta.

Pjesë nga biseda

Lulzim Basha: Si jeni me shëndet?

Qytetari: Mirë.

Lulzim Basha: Me Covid-in?

Qytetari: E kemi kaluar të dy.

Lulzim Basha: Në shtëpi?

Qytetari: Po, në shtëpi.

Qytetarja: Tani kemi disa pasoja.

Qytetari: Zonja e pati më të rëndë, me oksigjen.

Lulzim Basha: Shpenzimet?

Qytetarja: Të gjitha vetë.

Lulzim Basha: Të gjitha shpenzimet nga xhepi besoj?

Qytetari: Të gjitha nga xhepi. Ata që kanë pasur 5 lekë, por prapë se prapë nuk i kanë më. Dhe mjerë ata që janë zhytur deri në fyt në borxh.

Lulzim Basha: Për këto ne po hartojmë një plan që të gjitha familjet që kanë pasur të sëmurë në shtëpinë e tyre, siç keni qenë ju të dy, nga qeverisja e ardhshme të kenë një mbështetje financiare. Se praktikisht në shumicën dërrmuese të rasteve janë fshirë të ardhurat. Se ju e dini kurimi i një personi shkon sa rroga vjetore e një familje normale.