Ditën e djeshme, pas sulmit ushtarak Irani ka justifikuar sulmin ndaj dy bazave amerikane. Në një letër të gjatë dhe të detajuar, Ambasadori i Iranit i ka shkruar Sekretarit të Përgjithshëm të SHBA-së dhe Këshillit të sigurimit, duke justifikuar sulmin si një veprim të “matur dhe proporcional” të “vetëmbrojtjes”.
Ndër të tjera, Irani ka treguar arsyen pse u zgjodhën këto dy baza. Sipas tyre, ato ishin në shenjestër pasi prej tyre nisi sulmi ndaj gjeneralit Soleimani. Irani ishte kujdesur që operacioni të ishte i saktë dhe të mos kishte dëme kolaterale ndaj civilëve në zonë.
Nga ana tjetër, zëdhënësi i Sekretarit të Përgjithshëm së SHBA-së Antonio Guterres ka shprehur shqetësimin për irakianët, pasi nga përplasja SHBA-Iran, civilët mund të ta vuajnë më shumë.
“Është detyra jonë të bëjmë çdo përpjekje për të shmangur një luftë që bota nuk mund ta përballojë. Ne nuk duhet të harrojmë vuajtjet e tmerrshme njerëzore të shkaktuara nga lufta. Si gjithmonë, njerëzit e zakonshëm paguajnë çmimin më të lartë, u tha gazetarëve zëdhënësi i KB, Stephane Dujarric.
