Filipo Inzaghi, sulmuesi legjendar i Milanit, i cili aktualisht trajnon Beneventon flet pa “doreza” dhe tregohet realist kur pyetet se cila skuadër është favorite për titullin kampion, dhe shprehet se Inter ëshë favoriti kryesor.
Në një intervistë për ”Sky”, ai ka bërë skanerin e vitit 2020 për skuadrën që drejton por edhe në aspektin personal.
“Kujt do t’ja jepja “Oscar 2020” mes trajnerëve? Vëllait tim Simones dhe Piolit: ata meritojnë çmimet më të mëdha. Kur humb lojtarë si Ibra dhe Kjaer për disa ndeshje, kur fiton pa to por edhe pa Kessié dhe Bennacer, do të thotë që ka substancë. Kështu që Milani ka të drejtë të besojë për titull. Por unë mendoj se Interi është gjithsesi favoriti: ata kanë vetëm një kompeticion për të luajtur. Juve do të luftojë gjithmonë, janë Napoli dhe Roma, ekipe të forta”., tha ai.
Në datë 3 janar, Benevento e Inzaghit pret në shtëpi pikërisht Milanin kryesues.
