Indeksi i çmimeve të importit u rrit me 0,2 %, në krahasim me tremujorin e parë 2016 dhe u ul me 0,3 % në krahasim me tremujorin e katërt 2016.
Sipas raportit të INSTAT, ndryshimi vjetor i indeksit të çmimeve të importit, në tremujorin e parë 2017 është 0,2 %. Krahasuar me tremujorin e parë 2016, indeksi i çmimeve të importit në aktivitetet e industrisë nxjerrëse ka shënuar ulje me 6,8 %, ndërsa në aktivitetet e industrisë përpunuese, ka shënuar rritje me 0,4 %.
Në tremujorin e parë 2017 ndryshimi tremujor i indeksit është -0,3 %. Çmimet e importit në seksionin “industria nxjerrëse” nuk pësuan ndryshime të dukshme, ndërsa çmimet e importit në seksionin e “industrisë përpunuese” pësuan rënie me 0,2 %, krahasuar me tremujorin e mëparshëm.
Në këtë seksion vlen të përmendet ulja e çmimeve të importit të produkteve në aktivitetin “prodhimi i produkteve optikë, elektronikë, kompjuterikë” me 4,2 % dhe “prodhimi i drurit dhe produkteve prej druri dhe dushku” me 3,1 %.
