Kuriozitete

Instagrami me ndryshime, do preki “Storyt” dhe mesazhet tuaja

               Publikuar në : 14:04 - 20/05/19 M. S

Përditësime të reja pritet të vijnë së shpejti nga Instagrami. Kompania njofton se tashmë mund të jetë më e lehtë që të shikoni ”Storyt” e personave që kërkoni, në sektorin Search në Instagram.

Përmes një postimi në Twitter, kompania e Instagram njofton se ky ndryshim do të vijë pasi është parë një interes në rritje e përdoruesve ndaj ”Story-ve”, si dhe do të ndryshojë dhe mënyra sesi këto përmbajte do të shfaqen nëpërmjet ikonave të reja.

Deri tani në këtë sektor shfaqeshin foto të personave të tjerë në bazë të atyre që ju keni kërkuar, ose keni shfaqur interes për ti parë, tashmë përveç fotove do të shfaqen dhe ”Storyt” që ata postojnë.

Ndryshimet nuk kanë fund. Gjatë muajve në vijim do të ndryshojë dhe mënyra sesi do të flisni me mesazhe. Rrjeti social ka menduar që të krijojë një aplikacion të veçantë për biseda, që do të quhet ”Direckt App”. Ky ndryshim i Instagramit ngjan njësoj me atë që Facebook bëri vite më parë, duke e krijuar aplikacionin “Messenger”.

 

Kthehu
WhatsApp Denonco ne TT